راجع تفكرني باللي كان
دا اللي بنجنيه دلوقتي زرعته وحدك
بإيديك زمان
جاي تحكيلي وتشكيلي مرار الأيام
طب ليه مكلمتنيش عن حبك
ليه مطلبتش مني أفضل جنبك
حرام تزيد عذابي وأنت وحدك ياحبيبي الجاني
هوأنت ليه مقولتليش وقتها إنك محتاج حناني
هيفيد ياقلبي في أيةالعتاب
تفتكر ممكن فيوم نعود أحباب
القدر لعب لعبته ياحبيبي وخلاص الوقت فات
والكلام مش هيفيددلوقتي وياتري فادنا زمان السكات
من بعد مارجعتلي روحي وغرقت في بحور النسيان
قلبك جاي يرسيها من تاني ع شواطئ الشوق والحرمان
حبيبي يامن أعتبرت قلبك هوسندي وداري
هل تستطيع أن تعيش مع من أخترت وتسكن بجواري
بتلوم عليا وتقولي بعدي عنك أنتي سبب من الأسباب
أرجوك بلاش تفتح الجرح المقفول
بلاش تحقق بعد فوات الأوان مين فينا المسئول
بعترف عمري ما نسيتك وصعب أنساك
وإعترافي بحبك دلوقتي هو بعينه الهلاك
راجع تفكرني باللي كان
فكرني ياعمري باللي كان
وأنا هفتكر لكن ياريت توصي عليا ليالي الوحدة تعطف عليا
ياريت كمان توقف سنين عمري اللي في بعادك عني بتمر عليا
Thanks : H.M.
No comments:
Post a Comment